النــرجس
الشــأعر / فهد الأغبري

يا قلب لو ضاق بك حزنٍ وهو يجري
وش حيلتك تحسبة لك يخلص النيه


كم يحتريك الزمن والعين ما تدري
وأضحى هجيرة يعاند شوفت الفيّه

لا ما خبرت الأسى ليلٍ يجي يسري
لين إمتلى الخافق اللي ضاق به غيّه


قل كيف يبرى الجرح والجرح ذا يبري
ونا أشوف الدوا ما عاد له جيّه


لو يكتب الدمع كانه ف الشعر حبري
وأعاينه ينثر الآهات في يديّه


سمعي شكى وجد شاعر يعزف بوتري
أعيته دربه ودوم الدرب له عيّه


كن الأمل لك سراب ولو يجي يغري
مليت من كثر مشكي حرقةٍ فيّه


ما عاد ترحم دمع يشفق على صبري
يومه رحل وارتفع كفه بحنيّه


لدّت عيوني على عينٍ تجي حدري
ولا بها دمعةٍ ف الخد حدريّه


أنساك ؟ وأنت الوحيد اللي سرق فكري
وأنته الذي وسط ليلي بارقٍ ضيّه


لا يا بعد هالسنين .. أرجيك في عذري
يا كيف نرجس يفارق ريح عطريّه


الموج طامي وحالة مركبي تزري
شفني كذا وش بقى لى هناك وهنيّه


الشمس طالت علي وما ضوى فجري
كن الشَمِس مبسمك يشرق ف عينيّه


لا ما ثمر وسط قلبي دونكم زهري
يومك تصب الشهد ويطيب لي ريّه


تربتك من غيبتك رملٍ على صدري
وأدركت ذا الحين ليه أشتاق لبديّه *


حتى البدر من مشاعر تاصلك عبري
يحسد طيوفك تخاوي الفكر ليليّه


يا بدر بدري على بدري ونا بدري
سحر العيون بيخلي النار بك حيّه


ما غير وصله نشد خله وذا شعري
ناداه صمته وجرحٍ وسط راعيّه


ولا الحزن لو يجي في غيبته يطري
حيّه حزن لو يجي وياحي طاريّه

لإضــافة تعليــق : هنــــا